दाङको घोराहीमा चोरी आरोपमा प्रहरीले आज एक युवकलाई आफैँ कार्यरत कार्यालयको रकम चोरीको अभियोगमा पक्राउ गरेको छ।
प्रहरीका अनुसार घोराही उपमहानगरपालिका–१४ स्थित ग्लोबल ओरियन्टस् नेपाल प्राइभेट लिमिटेडको (अनलाइन सपिङ) कार्यालयमा चोरी भएको घटनामा संलग्न अभियोगमा घोराही उपमहानगरपालिका–३ गोग्ली घर भई सोही उपमहानगरपालिका–१५ आइरनगेटनजिक डेरा गरी बस्ने १९ वर्षीय रेशम चौधरीलाई शुक्रबार बिहान पक्राउ गरिएको हो।
उक्त कार्यालयमा चोरी भएको भन्ने खबर प्राप्त हुनासाथ वडा प्रहरी कार्यालय (घोराही) बाट खटिएको प्रहरीले सोही लिमिटेडमा कार्यरत कर्मचारी चौधरीलाई १ लाख ८८ हजार रुपैयाँसहित पक्राउ गरेको हो।
यस सम्बन्धमा थप अनुसन्धान भइरहेको प्रहरीले जनाएको छ।
प्रतिक्रिया