युनिकोड
नेपालको लागि यमाहाको आधिकारिक वितरक एमएडब्लु इन्टरप्राइजेज प्रालिले क्लासिक युरोपियन स्टाइलको फेसिनो १२५ स्कुटर नेपालमा सार्वजनिक गरेको छ। अल न्यू फसिनोमा १२५ सीसी एफआई बीएस ६ इन्जिनमा सार्वजनिक भएको हो।
उक्त स्कुटरको मूल्य २ लाख ४७ हजार ९ सय रुपैयाँ तोकिएको छ।
पुरानो फेसिनोको तुलनामा सशक्त छ भने यसको पावर क्षमतामा ३० प्रतिशत वृद्धि भएको कम्पनीले दाबी गरेको छ।
९९ केजी तौल भएको फेसिनो एफआई बीएस ६ इन्जिनले इन्धनको बचत समेत १६ प्रतिशत ज्यादा गर्छ। यसमा रहेको नयाँ विशेषताहरु र प्रविधिहरुका साथसाथै फेसिनो १२५एफआईको बनावट क्लासिक युरोपियन स्टाइलमा रहेको छ।
फेसिनो १२५ एफआई नेपाली बजारमा विभिन्न ५ रङ्गहरुमा उपलब्ध रहेको कम्पनीले जनाएको छ।
लकडाउनका कारण स्कुटर अनलाइनमार्फत बुकिङ गर्न सकिनेछ।
प्रतिक्रिया