युनिकोड
तीनवटा निर्वाचन क्षेत्र रहेको चितवनमा ६४ प्रतिशत मत खसेको छ।
आज बिहान ७ बजेदेखि सुरु भएको मतदान प्रक्रियामा साँझ ५ बजेसम्ममा कुल मतदातामध्ये ६४ प्रतिशतले मतदान गरेको जिल्ला निर्वाचन कार्यालय, चितवनका निर्वाचन अधिकारी भीमसेन कार्काीले जानकारी दिए।
उनका अनुसार चितवन–१ मा कुल १ लाख ४९ हजार ६४१ मतदाता रहेकोमा ९६ हजार १५४ अर्थात ६४.२६ प्रतिशत मत खसेको छ।
यस्तै, चितवन–२ मा १ लाख ३७ हजार १५२ मतदाता रहेकोमा ८७ हजार २२१ अर्थात् ६३.५९ प्रतिशत मत खसेको छ भने कुल १ लाख ५५ हजार २१२ मतदाता रहेको चितवन–३ मा १ लाख ५३ अर्थात् ६४.४६ प्रतिशत मत खसेको निर्वाचन अधिकारी कार्कीले जानकारी दिए।
जिल्लाभर कुल ४ लाख ४२ हजार ५ मतदाता रहेकोमा २ लाख ८३ हजार ४२८ मत खसेको हो। कार्कीका अनुसार तीनवटै निर्वाचन क्षेत्रको मतपेटिका संकलनको कार्य भैरहेको छ।
प्रतिक्रिया