युनिकोड
आज (शुक्रबार) बिहान यो वर्षअन्तर्गत अहिलेसम्मकै चिसो भएको काठमाडौँ उपत्यकाको न्यूनतम तापक्रम थप घटेको छ।
बिहान ५:४५ बजे ३.४ डिग्री सेल्सियस देखिएको काठमाडौँ उपत्यकाको न्यूनतम तापक्रम बिहान ८:४५ बजे थप घटेर ३.१ डिग्री सेल्सियसमा झरेको हो।
मौसम पूर्वानुमान महाशाखाको रेकर्डअनुसार उक्त तापक्रम काठमाडौँका लागि यो वर्षको अहिलेसम्मकै कम हो।
आज सबैभन्दा कम न्यूनतम तापक्रम जुम्लामा माइनस ७ अर्थात् -७ डिग्री सेल्सियस छ।
हेर्नुहोस् देशभरको सूची (नोटः न्यूनतम आजैका हुन् भने अधिकतम तापक्रम हिजोका)
मौसमविद्का अनुसार २४ घण्टामा सबैभन्दा कम तापक्रमलाई त्यस दिनको न्यूनतम र सबैभन्दा बढी तापक्रमलाई अधिकतम तापक्रम भनिन्छ।
न्यूनतम तापक्रम सामान्यतया हरेक दिन बिहान ८:४५ तथा अधिकतम तापक्रम साँझ ५:४५ बजे मापन गरिन्छ। यसैले आजको अधिकतम तापक्रम भने भरे साँझ सार्वजनिक हुनेछ।
प्रतिक्रिया