युनिकोड
काठमाडौँ उपत्यकामा आज दिनभर मौसम बदली भइरहने अनुमान मौसमविद्ले गरेका छन्।
मौसम पूर्वानुमान महाशाखाका मौसमविद् रोजन लामिछानेका अनुसार अहिले बिहान पनि काठमाडौँ उपत्यकाको आकाश बादलले ढाकेको छ।
‘कतै कतै छिपटपुट पानी पनि परिरहेको छ’, उनले बिहीबार बिहान ७:४० बजे नेपालखबरसँग भने, ’आज काठमाडौँ उपत्यकामा हल्कादेखि मध्यमसम्म वर्षा हुने सम्भावना छ।’
मौसमविद् लामिछानेका अनुसार आज काठमाडौँ उपत्यकामा राम्रोसँग घाम लाग्ने सम्भावना छैन।
देशभरको मौसम र वर्षाबारे भने मौसम महाशाखाले अहिले बिहान ८ बजे अध्यावधिक विस्तृत बुलेटिन जारी गर्नेछ।
प्रतिक्रिया