चर्चित सवारीसाधन कम्पनी फक्सवागनले ‘बेस्ट कार एट बेस्ट डिल’ नामक जाडो योजना ल्याएको छ।
नेपालको लागि अधिकृत बिक्रेता पूजा इन्टरनेशनल प्रालिले जाडोसँगै क्रिसमस र अंग्रेजी नयाँ वर्षलाई समेत लक्षित गरी उक्त योजना ल्याएको हो।
यो योजनाअनुसार क्रेताले महिनाको २२ हजार ५ सय रुपैयाँमात्रै किस्ता रकम तिरेर पोलो किन्न सक्नेछन्। ग्राहकलाई गाडी खरिदमा सहजता प्रदान गर्न यो योजना ल्याएको कम्पनीले जनाएको छ।
चाडपर्वमा कार किन्ने योजनालाई कम्पनीले लक्ष्य गरी यो स्किम (योजना) ल्याएको हो। पूजा इन्टरनेशनलका बजार प्रबन्धक विराज श्रेष्ठले कार किन्न उत्सुक ग्राहकलाई नयाँ वर्ष र क्रिसमसको अवसर पारेर योजना ल्याएको बताए।
के के छन् फाइदा?
२२ हजार ५ सय रुपैयाँ ईएमआईमै ग्राहकले पोलो किन्न सक्ने सुविधा यो योजनामा छ। त्यस्तै नगद छुट, आर्थिक वर्षको सडक कर, चार वर्षका लागि निःशुल्क सर्भिस, असीमित किमिको वारेन्टी, सहज फाइनान्स, फ्रि एसेसरिज, एक्सचेन्ज बोनस र लोयल्टी बोनस यो योजनाका विशेषता हुन्।
Shares
प्रतिक्रिया