युनिकोड
एमजी मोटर्स इन्डिया २ करोड भारतीय रुपैयाँ कोरोनाविरुद्ध रोकथामको लागि सहयोग गर्ने भएको छ। यो भारतका लागि हो।
कम्पनीले १ करोड सरकारी हस्पिटल, स्वास्थ्य संस्थामा सहयोग गर्ने बताएको छ। त्यस्तै एमजी मोटर्सका कर्मचारीले पनि कोरोनाविरुद्ध लड्न १ करोड सहयोग गर्नेछन्।
समाजका विपन्न वर्गहरूसहित चिकित्सा कर्मचारी र स्वास्थ्यकर्मीहरूको भलाइको सुनिश्चित गर्न सहयोग गरेको कम्पनीले जनाएको छ।
सहयोगमा पन्जा, मास्क, भेन्टिलेटर, औषधि र हस्पिटलमा आवश्यक शय्यालगायतका सामग्री उपलब्ध गराउने बताएको छ।
त्यस्तै कम्पनीले ‘डिस्इन्फेक्टेड डेलिभर’को घोषणा गरेको छ । कोरोनाको संक्रमणबाट बच्नको लागि सुरक्षितरुपमा घरमै डेलिभरी गर्ने कम्पनीले जनाएको छ ।
प्रतिक्रिया