युनिकोड
नेपाली कम्युनिस्ट पार्टी (नेकपा) सुदूरपश्चिम प्रदेश संसदीय दलको बैठक बस्दै छ।
संसदीय दलका नेता खगराज भट्टले आज बिहीबार बिहान ११ बजेका लागि प्रदेश संसदीय दलको कार्यालयमा बैठक बोलाएका हुन्।
सुदूरपश्चिममा विकसित राजनीतिक घटनाक्रमबारे निर्णय गर्न बैठक बोलाइएको हो।
सुदूरपश्चिमका मुख्यमन्त्री कमलबहादुर शाहले बुधबार एमालेतर्फका ४ मन्त्रीलाई बर्खास्त गरेपछि एमालेले प्रदेश सरकारलाई दिएको समर्थन फिर्ता लिएको छ। जसले गर्दा कांग्रेस नेतृत्वको सुदूरपश्चिम सरकार अल्पमतमा परेको छ।
बजेट पारित गराउन मुख्यमन्त्री शाहले नेकपासँग सहयोगको आग्रह गरेका छन्। नेकपाले उक्त प्रस्ताव अस्वीकार गर्दै वर्तमान सरकारलाई समर्थन नगर्ने अडान राखेको छ।
आफ्ना सर्त पूरा नभएसम्म सरकार गठनमा नेपाली कांग्रेस वा एमाले कुनै पनि दललाई सहयोग नगर्ने नेकपाको भनाइ छ।
नेकपाले प्रदेश सरकारको नेतृत्वमै दाबी गरिरहेको छ।
प्रतिक्रिया