ad ad

खेल


विश्वकपमा मेस्सीले लगाएको कालो पोशाक १० लाख डलरमा किन्ने प्रस्ताव

विश्वकपमा मेस्सीले लगाएको कालो पोशाक १० लाख डलरमा किन्ने प्रस्ताव

नेपालखबर
पुस १०, २०७९ आइतबार ९:५४, काठमाडौँ

फिफा विश्वकप २०२२ को उपाधि जितेपछि अर्जेन्टिनाका कप्तान लियोनेल मेस्सीलाई लगाइएको कालो पोशाक ‘बिस्ट’ लाई १० लाख डलर मूल्यमा खरिदको प्रस्ताव आएको छ।

विश्वकपको उपाधि जितेपछि कतारका राजा शेख तमीम बिन हमाद अल थानीले उनलाई कालो र सुनौलो रङको जालीदार पोशाक ‘बिस्ट’ लगाइदिएका थिए। यो पोशाकको विषयलाई लिएर केहीले मेस्सीको राष्ट्रिय टोलीको जर्सी छेकिएको भन्दै आलोचना गरेका थिए भने केहीले अरब मुलुकले संस्कृतिलाई मेस्सीले सम्मान गरेको भन्दै उनको प्रशंसा गरेका थिए। उक्त पोशाकलाई खरिद गर्न ओमानको संसदका एक सदस्यले १० लाख डलर दिने प्रस्ताव गरेका हुन्। 

ओमानका सांसद अहमद अल बार्वानीले सामाजिक सञ्जाल ट्वीटरमार्फत उक्त बिस्टलाई १० लाख डलरमा खरिदको प्रस्ताव राखेका हुन्। उनले सामाजिक सञ्जालमा विश्वकप जितेकोमा अर्जेन्टिनालाई बधाई दिँदै भनेका छन्, ‘शौर्य र विद्धमत्ताको प्रतीक अरेबिक बिस्ट फर्काउन म तपाईंहरुसँग १० लाख डलरको प्रस्ताव गर्छु।’

उनले द नेशनलसँगको कुराकानीमा मेस्सीको साप्ताहिक तलबभन्दा पनि कम रकमको लागि गरिएको उक्त प्रस्ताव मेस्सीले बिस्ट बेच्न चाहेको अवस्थामा बढाउन सकिने बताएका छन्। अल बार्वानीले अरेबिक मुलुकको गर्वको विषयसमेत रहेको उक्त बिस्टलाई सधैं स्मरण रहोस् भनेर प्रदर्शनीमा राख्न चाहेको बताएका छन्। 

के हो बिस्ट? 
कतार विश्वकपआयोजक समितिका महासचिव हसन अल थवाडी भन्छन्, ‘यो एक आधिकारिक अवसरको लागि तयार गरिएको पोशाक हो र यो समारोहको लागि लगाइन्छ। यो मेस्सीको जितको सम्मानमा उनलाई लगाइएको हो।’ 

उनले भने, ‘विश्वकप हाम्रो लागि अरब र मुस्लिम संस्कृति विश्वलाई देखाउने अवसर थियो। यसले कतारको मात्र होइन, एक क्षेत्रको उत्सवको खुसीको प्रतिनिधित्व गर्छ।’

अरब मुलुकमा यस्तो पोशाक कुनै विशेष समारोहमा लगाइन्छ। त्यसैले फाइनल खेल जितेपछिको महत्वपूर्ण अवसरमा उक्त पोशाक कतारका राजाले मेस्सीलाई लगाइदिएका थिए। 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .