कतार विश्वकपको क्वार्टरफाइनलमा क्रोएसियासँग पराजित भएपछि ब्राजिलका मुख्य प्रशिक्षक टिटेले राजीनामा दिएका छन्।
शुक्रबार राति भएको खेलमा ब्राजिल क्रोएसियासँग पेनाल्टी सुटआउटमा ४–२ ले पराजित भएको थियो। टोलीको हारसँगै प्रशिक्षक टिटेले ६ वर्षे राष्ट्रिय टोलीको यात्राबाट बिदा लिएका हुन्।
टोलीबाट राजीनामा दिँदै टिटेले भने, यो एउटा चक्र हो यो चक्र समाप्त भयो, मैले डेढ वर्ष पहिला नै भनेको थिए र म मेरो वचनमा पक्का छु। मलाई प्रतिस्थापन गर्न सक्ने अन्य व्यवसायिक प्रशिक्षक छन्। मेरो चक्र सकियो।
६१ वर्षीय टिटेले २०१९ को कोपा अमेरिका जिताएका थिए। सन् २०१८ र २०२२ को विश्वकपमा उनको प्रशिक्षणमा ब्राजिलले अन्तिम ८ सम्मको यात्रा तय गरेको थियो।
375
Shares
प्रतिक्रिया