विश्वकप फुटबलमा समूह 'डी'का डेनमार्क र ट्युनिसियाबीच पहिलो हाफ गोलरहित बराबरीमा टुंगिएको छ।
कतारको अल रयानस्थित एजुकेसन सिटी स्टेडियममा ६ः४५ बाट खेल सुरु भएको हो।
सुखद सुरुवातको लक्ष्यमा रहेका दुवै टोलीले पहिलो हाफमा गोल गर्न सकेनन्।
पहिलो खेल जित्दै दुवै टोली विश्वकपको अन्तिम १६ को सम्भावना बलियो बनाउन चाहन्छन्।
डेनमार्क २०१८ को विश्वकपमा पनि अन्तिम १६ मा पुगेको थियो। ट्युनिसिया भने समूह चरण पार गर्न सकेको छैन।
विश्वकपमा १५ खेल खेलेको ट्युनिसियाले २ खेल मात्रै जितेको छ। यसअघि यी टोली २००२ मा भिडेका थिए।
त्यतिबेला डेनमार्क २–१ ले विजयी भएको थियो। समूह डी मा फ्रान्स र अष्ट्रेलिया पनि छन्। यी टोलीको भिडन्त राति १२ : ४५ बजे हुँदैछ।
प्रतिक्रिया