युनिकोड
युगान्डामा जारी वुमन्स डे कपमा नेपालले हङकङविरुद्ध जितका लागि १०५ रनको लक्ष्य पाएको छ।
टस जितेर ब्याटिङ रोजेको हङकङले ८ विकेट क्षतिमा १०४ रन बनाएको हो।
हङकङकका लागि ओपनर सान्जिन शाहजादले अर्धसतक बनाइन्। उनले ४७ बलमा ५ चौका र एक छक्का प्रहार गर्दै ५४ रन बनाएकी हुन्।
चाल का इङले २९ बलमा १६ र यासमिन दासवनीले १५ बलमा १४ रनको योगदान गरिन्। उनले एक चौकाको मद्दतमा उक्त स्कोर बनाएकी हुन्। हङकङका अन्य ब्याटरले दोहोरो अंकमा रन बनाउन सकेनन्।
नेपालका लागि राजमती ऐरीले ३ विकेट हात पारिन्। उनले ४ ओभरमा १७ रन खर्चिएर ३ विकेट लिएकी हुन्। इन्दु बर्माले दुई तथा पूजा महतो र ईश्वरी बिष्टले एक एक विकेट लिए।
अब नेपालले जवाफी ब्याटिङ थाल्नेछ।
यसअघि हङकङले नेपालसँगको पहिलो खेलमा १०१ रनको लक्ष्य दिएको थियो। उक्त खेलमा नेपाल २ रनले पराजित भएको थियो।
प्रतिक्रिया