युनिकोड
ब्राजिलियन स्टार नेमार जुनियरले पीएसजीमा उत्कृष्ट कमब्याक गरेका छन्।
घरेलु लिग लिग वानमा नेमारकै निर्णायक गोलमा पीएसजीले लगातार दुई खेलमा जित हात पारेको हो।
आइतबार राति पीएसजीले लियोनमाथि १–० को जित निकाल्दा नेमारले खेलको ८७ औं मिनेटमा विजयी गोल गरेका हुन्।
यसअघि नेमारले यस सिजन आफ्नो पहिलो लिग वान खेलमा स्ट्रासबर्गविरुद्ध पनि इन्जुरी समयमा गोल गर्दै पीएसजीलाई ३ अंक दिलाएका थिए।
यस जितसँगै पीएसजी ६ खेलमा १५ अंक जोड्दै लिग वानको शीर्ष स्थानमै कायम रहन सफल भएको छ।
नेमारले सिजन सुरुवात हुनुभन्दा पहिले पीएसजी छाड्ने अभिव्यक्ति दिएका थिए। यद्यपी कुनै क्लबमा उनी अनुबन्ध हुन नसकेपछि उनी अन्ततः पीएसजीमै खेलिरहेका छन्।
आफ्नो पहिलो खेलमा नेमारलाई पीएसजीकै समर्थकले नेमार हामीलाई चाहिँदैन भन्ने नारा लगाएका थिए। आफ्नै समर्थकको दबाबका बीच यतिबेला नेमार पीएसजीमा खेलिरहेका छन्।
प्रतिक्रिया