नेपालीमूलकी अस्मितालाई इंग्ल्याण्डमा प्लेयर अफ द सिजनको उपाधि

नेपालीमूलकी अस्मिता आले मगर इङ्गल्याण्डको शीर्ष डिभिजनको महिला लिग ‘वुमन्स् सुपर लिग’को प्लेयर अफ द सिजन घोषित भएकी छिन।

एस्टन भिल्लाबाट खेल्दै आएकी अस्मितालाई शनिबार प्लेयर अफ द सिजनको अवार्ड दिइएको हो। 

अस्मिताले आफ्नै टिमको एलिशा एन’डो, अनिता असान्ते, जोडी हट्टन र लिजा वेइबलाई पछि पार्दै वर्ष उत्कृष्ट खेलाडी बनेकी हुन्। 

 

𝗣𝗹𝗮𝘆𝗲𝗿𝘀' 𝗣𝗹𝗮𝘆𝗲𝗿 𝗼𝗳 𝘁𝗵𝗲 𝗦𝗲𝗮𝘀𝗼𝗻, Asmita Ale! 😎 pic.twitter.com/9JluOvZ290

— Aston Villa Women (@AVWFCOfficial) May 29, 2021

डिफेन्डरको भूमिकामा उनले यस सिजनको लिगमा १८ खेल खेलेकी थिइन्।

ब्रिटिस आर्मी अमृत आलेकी छोरी सानैदेखि बेलायतमा बस्दै आएकी छिन्। उनी ८ वर्षको उमेरमा भिल्लाको एकेडेमीमा फुटबल प्रशिक्षणका लागि भर्ना भएकी थिइन्।

भिल्लाले सन् २०१९ बाट अस्मितासँग व्यवसायिक सम्झौता गरेपछि उनले शीर्ष लिग खेल्दै आएकी छिन्। 

लगातारको उत्कृष्ट प्रदर्शनपछि अस्मितालाईं इङ्गल्याण्डको यू-१९ टोलीमा समेत छनोट गरिएको थियो।