युनिकोड
काठमाडौं मेयर्स कप एक दिवसीय क्रिकेट प्रतियोगितामा विभागीय टोली त्रिभुवन आर्मी क्लब ८७ रनमै अलआउट भएको छ।
मूलपानी क्रिकेट मैदानमा टस जितेर पहिले ब्याटिङ गरेको त्रिभुवन आर्मी क्लव ३० दशमलव १ ओभरमा ८७ रन जोड्दा अलआउट भयो।
नेपाल पुलिस क्लबसामु निरीह देखिएको आर्मीका लागि लोकेस बमले जोडेको ३२ रन नै सर्वाधिक रह्यो।
कमजोर ब्याटिङ गरेको आर्मीका लागि विक्रम सोव १४ र रोहित पौडेल १३ ले मात्र दोहोरो अंकको स्कोर छुन सके। अन्य ७ ब्याट्सम्यानले दोहोरो अंकको स्कोर छुन सकेनन्। साहब आलम १ रनमा नटआउट रहे।
आर्मीलाई कम स्कोरमा रोक्न नेपाल पुलिस क्लबका सागर ढकाल एक्लैले ५ विकेट झारे।
१० ओभर बलिङ गरेका सागरले २ मेडन राख्दै ४० रन खर्चे। पवन सर्राफले ३ तथा ललित राजवंशीले २ विकेट लिए।
पवनले आफ्नो स्पेलमा ५ मेडन राख्दै मात्र १४ रन खर्चे।
प्रतिक्रिया