लियोनसँग हार्दै म्यानचेस्टर सिटी च्याम्पियन्स लिगबाट बाहिर

फ्रान्सेली क्लब लियोनसँग क्वार्टरफाइनलमा ३-१ ले पराजित हुँदै इङ्लिस क्लब म्यानचेस्टर सिटी च्याम्पियन्स लिग फुटबलबाट बाहिरिएको छ। 

शनिबार राति भएको खेलको २४औं मिनेटमा म्यासवेल कोर्नेटको गोलसँगै लियोनले अग्रता लिएको थियो।  केभिन डी ब्रुईनले ६९ औ मिनेटमा बराबरी गोल फर्काए।

खेलको ७९औं मिनेटमा डेम्बेलेले लियोनका लागि दोस्रो गोल गरे भने खेल सकिन तीन मिनेट बाँकी रहँदा अर्को गोल गर्दै डेम्बेलेले लियोनलाई ३-१ को जित दिलाए।

लियोनले अब सेमिफाईनलमा जर्मन क्लब बायर्न म्युनिखसँग खेल्नेछ।