केन र सनको गोलमा टोटनहमको जित

ह्यारी केनको दोहोरो गोलसँगै सन ह्युङ मिनको एक गोल मद्दतमा टोटेनहमले न्युक्यासल युनाईटेडमाथि ३–१ को जित हात पारेको छ। 

बुधबार राति प्रिमियर लिगमा खेलको २७ औं मिनेटमा टोटेनहमले सनको गोलमा अग्रता बनायो। ५६ औं मिनेटमा माट रिचीले खेल बराबरीमा ल्याए।

ह्यारी केनले ६० औं मिनेटमा टोटेनहमलाई अघि बढाए भने खेलको अन्तिम मिनेटमा ब्यक्तिगत दोस्रो गोल गर्दै टोटेनहमलाई ३–१ को जित दिलाए।

दोहोरो गोलसँगै केनले क्लबस्तरीय खेलमा २ सय गोलको आकँडा पनि पार गरेका छन।

सातौं स्थानको टोटेनहमले ५५ अंक जोडेको छ। न्युक्यासल ४३ अंक सहित १३ औं स्थानमा छ।