युनिकोड
आईसीसी टी–२० विश्वकपअन्तर्गत समूह चरणको अन्तिम खेलमा आज शुक्रबार अस्ट्रेलिया र ओमान भिड्दै छन्।
श्रीलंकाको पालकेले स्टेडियममा हुने खेल साँझ सवा ७ बजे सुरु हुनेछ।
समूह चरणबाट बाहिरिसकेका अस्ट्रेलिया र ओमान आजको खेलमा जित निकाल्दै विश्वकपमा सुखद बहिर्गमनको आशामा छन्।
समूह बीमा रहेको अस्ट्रेलियाले एक खेलमा जित र दुई खेलमा हार भोग्दै २ अंकमा तालिकाको चौथो स्थानमा छ।
समूह चरणमा अस्टे«लियाले पहिलो खेलमा आयरल्यान्डलाई ६७ रनले हराएको थियो। जिम्बाब्वेसँग २३ रनले तथा श्रीलंकासँग ८ विकेटले पराजित भएको थियो।
विश्वकपमा शनिबारदेखि सुपर ८ का खेल सुरु हुनेछन्। सुपर ८ मा समूह एबाट भारत र पाकिस्तान तथा समुह बी बाट जिम्बाब्वे र श्रीलंका पुगेका छन्। समूह सी बाट वेस्ट इन्डिज र इंग्ल्यान्ड तथा समूह डीबाट दक्षिण अफ्रिका र न्यु जिल्यान्ड सुपर ८ मा पुगेका छन्।
सुपर ८ को पहिलो खेलमा शनिबार पाकिस्तान र न्युजिल्यान्ड खेल्ने तालिका छ।
प्रतिक्रिया