एनपीएलमा क्रिस लिनको पहिलो अर्धशतक

सिद्धार्थ बैंक नेपाल प्रिमियर लिग (एनपीएल)मा सुदूरपश्चिम रोयल्सका ओपनर क्रिस लिनले अर्धशतक बनाएका छन्। 

चितवन राइनोजविरुद्धको खेलमा बिहीबार लिनले ४२ बलमा अर्धशतक प्रहार गरेका हुन्। उनले तीन चौका र दुई छक्का प्रहार गरे। 

योसँगै एनपीएलमा आजसम्म ३१ अर्धशतक लागेका छन्। बिहीबार भएको पहिलो खेलमा तीन अर्धशतक बनेका थिए।

काठमाडौंँ गोर्खाजका बेन चार्ल्सवर्थ र भीम सार्की तथा पोखरा एभेन्जर्सका ऋषि धवनले अर्धशतक प्रहार गरेका थिए।