युनिकोड
काठमाडौँमा जारी दोस्रो नेपाल प्रिमियर लिग (एनपील) अन्तर्गत आज (मंगलबार) काठमान्डु गोर्खाज र लुम्बिनी लायन्स प्रतिस्पर्धा गर्दै छन्।
खेल कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट रंगशालामा आज अपराह्न ४ बजे सुरु हुनेछ।
करण केसीको कप्तानीमा रहेको काठमान्डुले तीन खेल खेलेको छ। जसमा दुई हार र एक जित भएका छन्।
काठमान्डु दुई अंकसहित तेस्रो स्थानमा छ।
उता रोहित पौडेलको नेतृत्वमा रहेको लुम्बिनीले पनि अहिलेसम्म तीन खेल खेलेको छ।
जसमा एक जित र दुई हार भएका छन्। दुई अंकका साथ लुम्बिनी चौथो स्थानमा छ।
दुवै टोलीलाई प्लेअफ पुग्ने सम्भावना कायम राख्न आजको खेल महत्त्वपूर्ण मानिएको छ।
प्रतिक्रिया