चितवनविरुद्ध लुम्बिनीको राम्रो सुरुवात

सिद्धार्थ बैंक नेपाल प्रिमियर लिग (एनपीएल) मा चितवन राइनोजले दिएको औसत लक्ष्य पछ्याउने क्रममा लुम्बिनी लायन्सले राम्रो सुरुवात गरेको छ। 

कीर्तिपुरस्थित त्रिवि क्रिकेट मैदानमा बिहीबार साँझ चितवनले लुम्बिनीलाई १४३ रनको लक्ष्य दिएको हो। प्रतिउत्तरमा लुम्बिनीले पावर प्लेमा दुई विकेट गुमाएर ५१ रन बनाएको छ। 

लुम्बिनीका लागि प्रारम्भिक ब्याटर डि आर्सी सर्ट ६ बलमा ११ रन बनाएर आउट भए। त्यसपछि सन्दीप जोरा र रोहित पौडेले पारी सम्हालेका थिए। 

सन्दीप २८ रन बनाएर आउट भए। उनले १८ बलमा चार चौका प्रहार गरे। चितवनका लागि रिजन ढकालले दुई विकेट लिए।