युनिकोड
युगान्डामा जारी वुमन्स डे टी–२० कपमा नेपाललाई हङकङले १०१ रनको लक्ष्य दिएको छ। टस जितेर नेपालले फिल्डिङ रोजेपछि पहिले ब्याटिङ गरेको हङकङले २० ओभरमा ७ विकेट गुमाउँदै १०० रन बनाएको हो।
हङकङका लागि ओपनर नताशा माइल्सले सर्वाधिक ३५ रन बनाउँदा मारिको हिलले २१ र चाङ का यिङले १२ रन बनाइन्।
यास्मिन दासवानी ११ रनमा नटआउट रहँदा मरियम बिबी र शान्जीन शहजादले समान ७ रनको योगदान गरे।
नेपालका इश्वरी विष्ट र कप्तान इन्दू बर्माले २/२ विकेट लिए। पूजा महतो र रचनाकुमारी चौधरीले एक एक विकेट लिए।
यसअघि नेपाल नामिवियासँग पराजित भएको थियो भने युगान्डालाई १ विकेटले हराएको थियो। दुई चरणका खेलपछि शीर्षस्थानका दुई टोलीले उपाधिका लागि भिड्ने छन्।
नेपालले जवाफी ब्याटिङ थालेको छ। नेपालका लागि साना प्रवीन र सम्झनाकुमारी खड्का ओपनिङ ब्याटरका रुपमा आएका छन्।
प्रतिक्रिया