युनिकोड
मंगलबार भएको टेस्ट सिरिजमा बंगलादेशले पाकिस्तानलाई २–० ले हराएको छ। योसँगै बंगलादेश विश्व टेस्ट च्याम्पियनसिपको चौथो स्थानमा उक्लिएको छ।
अन्तर्राष्ट्रिय क्रिकेट परिपद् (आईसीसी) ले सोसल मिडिया प्लेटफर्ममार्फत उक्त जानकारी दिएको हो। पहिलो नम्बरमा भारत, दोस्रोमा अस्ट्रेलिया र तेस्रोमा न्युजिल्यान्ड छन्।
Bangladesh shot up to fourth in the #WTC25 standings after their series win over Pakistan 😯👏
Standings 📝: https://t.co/BcdeGlTz8E#WTC25 | #PAKvBAN pic.twitter.com/lEhld8YJIS — ICC (@ICC) September 3, 2024
बंगलादेशले पाँचौँ दिन ४ विकेट गुमाएर १८५ रनको लक्ष्य पूरा गरेको थियो। चौथो दिनको खेलमा बंगलादेशले ४२ रन बनाएको थियो भने सबै १० विकेट आफ्नो हातमा पारेको थियो।
चौथो दिन भने पाकिस्तानको टोली दोस्रो इनिङ्समा १७२ रनमा अलआउट भएको थियो भने सर्वाधिक अविजित ४७ रन सलमान आगाले र ४३ रन मोहम्मद रिजवानले बनाएका थिए।
बंगलादेशका लागि हसन महमुदले ५ र नाहिद रानाले ४ विकेट लिए भने तस्किन अहमदले १ विकेट लिए।
पहिलो इनिङ्समा १२ रनको अग्रताका आधारमा पाकिस्तानले बंगलादेशलाई १८५ रनको लक्ष्य दिएको थियो।
पहिलो टेस्टमा पाकिस्तानलाई १० विकेटले हराउँदै बंगलादेशले इतिहास रचेको थियो।
प्रतिक्रिया