मिड भ्याली एसएस कलेजको एसईई फ़ुटसल टुर्नामेन्ट, विजेतालाई नगदसहित छात्रवृत्ति

भक्तपुरको नयाँ थिमिमा रहेको मिड भ्याली एसएस कलेजले एसईई उत्तीर्ण भएका सम्पूर्ण विद्यार्थीहरुलाई लक्षित गर्दै मिड भ्याली एसईई फ़ुट्सल टुर्नामेन्ट २०८१ को आयोजना गर्ने भएको छ।

कलेज प्रशासनका अनुसार सो टुर्नामेन्टका लागि नाम दर्ता सुरू भइसकेको छ। एसईई दिएर बसेका सम्पूर्ण विद्यार्थीहरुले उक्त टुर्नामेन्टमा सहभागिता जनाउन सक्नेछन्। नाम दर्ता गर्नका लागि एसईईको प्रवेशपत्र अनिवार्य गरिएको छ।

सो टुर्नामेन्टमा प्रथम हुनेले नगद पुरस्कार १५ हजार रुपैयाँ र सोही कलेजमा अध्ययन गर्दा मासिक शुल्कमा १०० प्रतिशत छात्रवृत्ति, दोस्रो हुनेले नगद पुरस्कार १० हजार रुपैयाँ र मासिक शुल्कमा ७५ प्रतिशत छात्रवृत्ति पाउनेछन्। त्यसैगरी तेस्रो हुनेले नगद पुरस्कार ५ हजार रुपैयाँ र मासिक शुल्कमा ५० प्रतिशत छात्रवृत्ति पाउने कलेजले जनाएको छ।