युनिकोड
घरेलु मैदानमा जारी यूएई सम्मिलित त्रिकोणात्मक टी-२० आई सिरिजमा नेपालले कुशल मल्लको उत्कृष्ट ब्याटिङमा हङकङसामु २ सय १४ रनको लक्ष्य प्रस्तुत गरेको छ।
माथिल्लो मूलपानी क्रिकेट मैदानमा टस जितेर ब्याटिङ गरेको नेपालले निर्धारित २० ओभरमा ६ विकेटको क्षतिमा २ सय १३ रनको योगफल तयार पारेको हो।
नेपालका लागि कुशल मल्लले ४२ रनको सर्वाधिक रन जोडे। ४१ बलको सामना गरेका कुशलले ३ चौका र ९ छक्का हाने।
दीपेन्द्रसिंह ऐरीले ५२ रन थपे। आशिफ शेखले २० तथा कप्तान रोहित पौडेलले ११ रन बनाए।
ओपनर कुशल भुर्तेल २ रनमा एलबीडब्ल्यू धरापमा परे। सोमपाल कामीले ८ रन थपे। कप्तान रोहित पौडेल ११ रन बनाउँदा बोल्ड आउट भए।
हङकङका लागि हारोन हर्सद र मोहम्मदले समान २/२ विकेट लिए।
हङकङले केही बेरमा जवाफी ब्याटिङ गर्नेछ।
जारी टी–२० सिरिजमा नेपालले दुई खेल जितेको छ। नेपालले गत बिहीबार हङकङलाई ६ विकेट र गत बुधबार यूएईलाई ७ विकेटले हराएको हो।
भोलि आइतबार हङकङ र यूएईबीच प्रतिस्पर्धा हुँदै छ भने पर्सि सोमबार नेपाल र यूएई तथा बुधबार हङकङ र यूएई भिड्दै छन्।
अंक तालिकाको शीर्ष स्थानमा रहने दुई टोलीबीच शुक्रबार फाइनल खेल हुनेछ।
प्रतिक्रिया