युनिकोड
युक्रेनविरुद्ध सहज जित हासिल गर्दै इंग्ल्यान्डले युरो कप २०२४ को छनोटमा विजय यात्रा कायम राखेको छ।
आइतबार राति वेम्बलीमा भएको खेलमा इंग्ल्यानडले युक्रेनलाई २–० ले हराएको हो। इंग्ल्यान्डको जितमा ह्यारी केन र बुकायो साकाले गोल गरे।
खेलको ३७औं मिनेटमा बुकायो साकाको क्रसमा केनले ५५औं इन्टरनेसनल गोल गरे। त्यसको ३ मिनेटपछि नै साकाले गोल गर्दै इंग्ल्यान्डको अग्रता दोब्बर पारे।
लगातार दुइ खेल जितेको इंग्ल्यान्ड ६ अंकमा समूह सीको शीर्ष स्थानमा छ।
गएराति नै भएको समूहको अर्को खेलमा इटालीले माल्टालाई २–० गोल अन्तरले हराउँदै तालिकाको दोस्रो स्थानमा उक्लिएको छ। युरो कप छनोटमा इटालीले पहिलो जित हासिल गरेको हो। यो समूहमा युक्रेन र माल्टा अंकविहीन छन्।
प्रतिक्रिया