युनिकोड
लुम्बिनी अल स्टार्सले नेपाल टी–२० लिगमा लगातार दोस्रो जित दर्ता गरेको छ। आइतबार भएको खेलमा लुम्बिनीले विराटनगर सुपर किंग्स्लाई ३ रनले हराएको हो।
जितसँगै लुम्बिनी अंक तालिकाको शीर्ष स्थानमा छ।
लुम्बिनीले दिएको १५८ रनको लक्ष्य पछ्याएको विराटनगरले निर्धारित २० ओभरमा ६ विकेट गुमाएर १ सय ५४ रनमात्र बनाउन सक्यो।
विराटनगरका लागि हुसैन तलातले सर्वाधिक ३९ रन बनाउँदा क्याच आउट भए। रोहित पौडेल २५, पृथु बास्कोटा १८, सिकन्दर राजा १७ रनमा पवेलियन फर्के। कप्तान एन्ड्री ११ र विवेक यादव १२ रनमा नटआउट रहे।
लुम्बिनीका किशोर महतोले २ तथा पथ ब्राउन, गुल्सन झा, दिपेन्द्र सिंह ऐरि र सागर ढकालले समान एक विकेट झो।
त्यसअघि कीर्तिपुरस्थित त्रिवि क्रिकेट मैदानमा विराटनगरले टस जितेर फिल्डिङ रोजेपछि ब्याटिङ गरेको लुम्बिनीले निर्धारित २० ओभरमा ६ विकेटको क्षतिमा १५७ रनको योगफल तयार पारको थियो।
लुम्बिनीका लाहिरु मिलन्थाले ८० रनको महत्वपुर्ण पारी खेले। ६३ बलको सामना गरेका उनले ५ चौका र ४ चौका हाने। कुशल भुर्तेलले २६, दीपेन्द्रसिंह ऐरीले १६ तथा विपुल शर्माले ११ रन थपे।
प्रतिक्रिया