युनिकोड
बाबर हायात र रोहन मुस्तफाले अर्धशतकीय पारी खेलेपछि चितवन राइनोजले पोखरा प्रिमियर लिग अन्तर्गत जारी लिग चरणको अन्तिम खेलमा काठमाडौं राइनोजलाई १६८ रनको ठूलो लक्ष्य दिएको छ।
बाबर र रोहनले दोस्रो विकेटका लागि कीर्तिमानी १ सय १९ रनको साझेदारी गरेपछि टस हारेर ब्याटिङ रोजेको चितवनले निर्धारित २० ओभरमा ४ विकेट गुमाएर १ सय ६७ रन बनाएको थियो।
पहिलो विकेटका लागि करण केसीलाई २ रनको टिम स्कोरमै गुमाएको चितवनलाई बाबर र रोहनले अघि बढाएका थिए। बाबरले ७० रनको पारी खेले। ४७ बलमा उनले ३ चौका र ६ छक्का प्रहार गरे।
यस्तै रोहनले ५९ रन जोडे। ५२ बलमा उनले ६ चौका र १ छक्का हिर्काए। आरिफ सेखले ९ बलमा १ छक्कासहित १५ रन जोडे।
यो खेल जितेमा चितवन अपराजित रहँदै फाइनल पुग्नेछ। काठमाडौंले खेल जिते पनि फाइनल प्रवेशका लागि इलिमिनेटर खेल्नुपर्नेछ।
यो पनि: फाइनलिस्ट छविको अनपेक्षित अन्त्य
यो पनि: क्रिजमा जम्दै ज्ञानेन्द्र
प्रतिक्रिया