युनिकोड
लगातार तेस्रो हार व्यहोर्दै बागमती प्रदेश प्रधानमन्त्री कप एक दिवसीय राष्ट्रिय क्रिकेट प्रतियोगिताबाट बाहिरिएको छ।
बुधबार मुलपानी क्रिकेट मैदानमा भएको खेलमा लुम्बिनी प्रदेशसँग ८ विकेटले पराजित हुँदै प्रतियोगिताबाट बाहिरिने पहिलो टोली बनेको छ। यता लुम्बिनीले भने पहिलो जित दर्ता गरेको हो।
बागमतीले दिएको १५५ रनको लक्ष्य लुम्बिनीले ३५।४ ओभरमा २ विकेट गुमाएर भेट्टायो।
बागमतीमाथि सहज जित निकाल्न कप्तान देव खनालले ७७ रनको अविजित पारी खेले। उनले ११९ बलमा ८ चौका र २ छक्का हो।
सन्दीप रजाली २९ रनमा नटआउट रहे। प्रज्वल थापा २९ र आकाश त्रिपाठी ३ रनमा पवेलियन फर्के।
बागमतीका रिजन ढकाल र प्रतिश जिसीले समान एक विकेट लिए।
त्यसअघि टस जितेर ब्याटिङ गरेको बागमती प्रदेश ३८.१ ओभरमा १५४ रन बनाउँदा अलआउट भयो।
बागमतीका लागि कप्तान ज्ञानेन्द्र मल्लले ३३ रन बनाए। दुर्गेश थापा ३२, आशुतोष घिरैया २२, प्रतिश जिसीले १५ रन थपे। राम नरेश गिरि १० रनमा नटआउट रहे।
लुम्बिनीका अनिल खरेलले ४ विकेट झारे। अविशेक गौतम र विशाल विक्रम केसीले समान २ विकेट लिए। मोहम्मद हुसेन र कृष्ण काकीले एक एक विकेट झारे।
प्रतिक्रिया