नवौँ राष्ट्रिय खेलकुद प्रतियोगिताअन्तर्गत महिला क्रिकेटको उद्घाटन खेलमा आयोजक गण्डकी प्रदेश र मधेश प्रदेश भिड्दै छन्।
प्रतियोगिताको पहिलो दिन दुई खेल हुनेछ। सोही दिन हुने दोस्रो खेलमा सुदूरपश्चिम प्रदेश र बागमती प्रदेश खेल्नेछन्। खेल पोखरा रगंशालामा हुनेछन्।
प्रतियोगितामा सहभागी नौ टोलीलाई दुई समूहमा विभाजन गरिएको छ। समूह एमा नेपाल एपीएफ क्लब, मधेश प्रदेश, गण्डकी प्रदेश, सुदूरपश्चिम प्रदेश र बागमती प्रदेश छन्। समूह बीमा नेपाल पुलिस क्लब, कर्णाली प्रदेश, प्रदेश १ र लुम्बिनी प्रदेश छन्। दुई समूहका शीर्ष २ टोलीले सेमिफाइनलमा स्थान बनाउनेछन्।
नवौँ खेलकुद असोज २८ देखि कात्तिक ३ गतेसम्म भनिए पनि महिला क्रिकेटका खेल असोज २३ देखि कात्तिक १ गतेसम्म हुनेछ।
33
Shares
प्रतिक्रिया