युनिकोड
अमेरिका भ्रमणमा रहेको नेपाली राष्ट्रिय क्रिकेट टोलीले आईसीसी विश्वकप लिग–२ त्रिकोणात्मक एक दिवसीय सिरिजको अन्तिम खेलमा बुधबार घरेलु टोलीसँग खेल्दैछ। मुसा क्रिकेट स्टेडियममा हुने खेल राति सवा ९ बजे सुरु हुनेछ।
पहिलो खेलमा अमेरिकासँगको खेल टाई भएको नेपाल घरेलु टोलीलाई हराउँदै सिरिजको अन्त्य गर्न चाहान्छ। उता घरेलु टोली अमेरिकाभने अंक तालिकामा दुई अंक जोड्ने दाउमा छ।
नेपालले दिएको २ सय ७५ रनको लक्ष्य पछ्याएको अमेरिकाले २ सय ७४ रन बनाएपछि खेलमा रोमाञ्चक बराबरी भएको थियो।
पहिलो खेलमा नेपाल ओमानसँग १३ रनले पराजित भएको थियो। दोस्रो खेलमा भने ओमानमाथि ७ विकेटको जित निकालेको थियो। नेपालसँगको हारसँगै ओमानले लिग–२ का सबै ६ वटा खेल पुरा गरेको छ।
अंक तालिका
आइसीसी लिग–२ अन्तर्गतका ३६ खेलमध्ये २१ मा जित र १३ खेलमा हार भोग्दै ओमान ४४ अंकमा तालिकाको शीर्ष स्थानमा छ। २७ अंक भएको स्कटल्यान्ड दोस्रो र २६ अंक भएको युएई तेस्रो स्थानमा छ।
२३ खेलमध्ये १० खेलमा जित र १२ मा हार भोगेको अमेरिका २१ अंक जोड्दै चौथो स्थानमा छ। १५ खेलमा ७ मा जित र त्यति नै खेलमा हार भोगेको नेपाल १५ अंक बनाउँदै पाँचौं स्थानमा उक्लिएको छ।
नेपालभन्दा एक खेल कम खेलेको नामिबियाले १४ खेलबाट १४ अंक जोड्दै छैटौं स्थानमा छ। २० खेलमध्ये १ मा जित र १९ मा हार भोगेको पपुवा न्युगिनी २ अकमा पुछारमा छ।
प्रतिक्रिया