रियल मड्रिड च्याम्पियन्स लिगको फाइनलमा पुगेको छ।
सेमिफाइनलमा म्यानचेस्टर सिटीलाई हराउँदै रियलले फाइनलको यात्रा तय गरेको हो।
बुधबार भएको दोस्रो लेगको खेलमा रियलले सिटीमाथि ३–१ गोल अन्तरको महत्वपूर्ण जित हात पारेको हो। यससँगै रियलले समग्रमा ६–५ को नतिजा निकाल्दै फाइनलमा आफ्नो स्थान पक्का गरेको हो। पहिलो हाफमा सिटीले रियललाई ४-३ गोल अन्तरले हराएको थियो।
बुधबार भएको दोस्रो लेगको खेलमा पहिलो हाफ गोलरहित बराबरीमा सकिएको थियो। खेलको ७३ औं मिनेटमा रियाद महरेजले गोल गर्दै म्यानचेस्टर सिटीको अग्रता दोब्बर पारे ।
तर, खेलको ९० औं तथा इन्जुरी समयमा रोड्रिगोले गोल गर्दै खेल बराबरीमा ल्याएका थिए।
यससँगै अतिरिक्त समयतर्फ धकेलिएको खेलको ९५ औं मिनेटमा रियलका लागि करिम बेन्जेमाले पेनाल्टीमार्फत गोल गरे। यो गोल नै रियललाई फाइनलमा पुर्याउन निर्णायक बन्यो। च्याम्पियन्स लिगको फाइनल खेलमा रियलले अब लिभरपुलको सामना गर्नेछ।
Shares
प्रतिक्रिया