युनिकोड
त्रिकोणात्मक टी२० अन्तर्राष्ट्रिय शृंखलाको फाइनल खेलमा पपुवा न्युगिनीलाई जितका लागि नेपालले १६९ रनको चुनौती पेस गरेको छ।
अलराउन्डर दिपेन्द्र सिंह ऐरीको अर्धशतक मद्दतमा नेपालले शृंखलाको उपाधिका लागि पपुवा न्युगिनीसामु १ सय ६९ रनको मध्यम लक्ष्य प्रस्तुत गरेको हो।
कीर्तिपुरस्थित त्रिवि क्रिकेट मैदानमा पीएनजीले टस जितेर फिल्डिङ रोजेपछि ब्याटिङ गरेको नेपालले निर्धारित २० ओभरमा ७ विकेट गुमाएर १ सय ६८ रनको मध्यम योगफल तयार पारेको थियो।
पहिलो विकेटका लागि ओपनर कुशल भुर्तेल र आशिफ शेखले ४.४ ओभरमा ३७ रनको साझेदारी गर्दै मध्यम सुरुवात दिलाएका थिए। ओपनर कुशल २५ आशिफ २९ रनमा क्याच आउट हुँदै पवेलियन फर्के।
११औँ ओभरमा लगातार ३ विकेट गुमेपी दबाबमा आएको थियो। टोलीका लागि अलराउण्डर दिपेन्द्र सिंह ऐरी र आदिल अन्सारीले छैटौँ विकेटका लागि ३२ रनको साझेदारी गर्दै इनिङस उकासेका थिए।
आदिलले १५ रन थपे। आदिलले १३ बलमा १ चौका र १ छक्का हाने। सातौँ विकेटका लागि ऐरि र करण केसीले ५४ रनको रनको साझेदारी गरे।
ऐरी ५४ र केसी ३३ रनमा नटआउट रहे। ऐरीले टि २० आई क्रिकेटमा पाँचौँ अर्धशतक पूरा गरे। ऐरीले ३८ बलमा ५ चौका हाने। ऐरीले १२ बलमा १ छक्का हाने।
रोहित पौडेल २ तथा आरिफ शेख र दिलिप नाथ शून्य रनमा आउट भए।
प्रतिक्रिया