पपुवा न्यूगिनीविरुद्ध कीर्तिपुर मैदानमा जारी एकदिवसीय अन्तर्राष्ट्रिय(ओडीआई) क्रिकेट शृंखलाको दोस्रो खेलमा नेपालका दीपेन्द्रसिंह ऐरीले शतक प्रहार गरेका छन्।
४७औं ओभरको तेस्रो बलमा २ रन लिदैँ दीपेन्द्रले शतक पूरा गरेका हुन् ।
दीपेन्द्रले १३६ बलमा ६ चौकाको मद्दतमा सय रन पूरा गरेका हुन्।
शतक हानेलगत्तै उनी १०५ रनमा आउट भए। १४० बलमा उनले ७ चौका प्रहार गरे।
नेपाली ओडीआई खेलको इतिहासमा शतक प्रहार गर्ने उनी तेस्रो खेलाडी हुन। यसअघि शुक्रबारमात्रै पीएसजीविरुद्ध नेपालका रोहित पौडेलले १२६ रनको शतकीय इनिङ्स खेलेका थिए।
त्यसअघि पूर्वकप्तान पारस खड्काले २०१९ जनवरीमा यूएईविरुद्ध ११५ रनको शतकीय इनिङ्स खेलेका थिए।
69
Shares
प्रतिक्रिया