युनिकोड
आईसीसी क्रिकेट वर्ल्ड कप लिग–२ अन्तर्गत पपुवान्युगिनीविरुद्ध नेपालका दुई ब्याटरले अर्धशतक पूरा गरेका छन्।
ओपनर कुशल भुर्तेल र आरिफ शेखले अर्धशतक पूरा गरेका हुन्। पपुवान्युगिनीले दिएको १७४ रनको लक्ष्य पछ्याएको नेपाललाई जित उन्मुख बनाउन कुशलले ६४ बलमा ५० रन जोडे।
अर्का ओपनर आशिफ शेख २ रनमै आउट भएपछि आएका आरिफले ८३ बलमा ५१ रन जोडेका छन्। भुर्तेलले ४ चौका र एक छक्का हिर्काउँदा आरिफले ४ चोकाको मद्दतमा अर्धशतक पूरा गरेका हुन्।
अहिले रोहित पौडेल र आरिफको जोडी क्रिजमा छन्। दीपेन्द्र सिंह ऐरी भने शून्य रनमै आउट भए। ३२ ओभरको खेल सकिँदा नेपालले ३ विकेटको क्षतिमा १५६ रन जोडेको छ। जितका लागि अब नेपाललाई मात्रै १८ रन आवश्यक छ।
पपुवान्युगिनीविरुद्धको पहिलो खेल पनि नेपालले जितेको नेपाल युएईसँग भने दुवै खेलमा हारेको थियो।
प्रतिक्रिया