युनिकोड
विश्व क्रिकेट लिग–२ मा नेपालले यूएईबाट २०३ रनको लक्ष्य पाएको छ।
दुबईमा जारी खेलमा खेलमा टस हारेर ब्याटिङको निम्तो पाएको यूएईले निर्धारित ५० ओभरमा ९ विकेट गुमाएर २०२ रन बनायो।
यूएईका रोहन मुस्तफाले सर्वाधिक ६० रन जोडे। ७३ बलमा उनले २ चौका र एक छक्का प्रहार गरे।
यस्तै मोहम्मद वासिमले ३३, चिराग सुरीले २६, वृत्य अरविन्दले २४ र वासिल अहमदले १७ रन थपे।
नेपालका सन्दीप लामिछानले ३ विकेट लिए। १० ओभरमा उनले १ ओभर मेडन राख्दै ३२ रन लिए। यस्तै सोमपाल कामी र करण केसीले समान २-२ तथा दीपेन्द्रसिंह ऐरी र आरिफ सेखले समान १–१ विकेट लिए।
सात टोली सहभागी जारी प्रतियोगिताको शीर्ष तीन टोलीले २०२३ को क्रिकेट विश्वकपको ग्लोबल क्वालिफायरमा स्थान बनाउँनेछन्। तल रहने चार टोलीले प्लेअफ खेल्नुपर्नेछ।
प्रतिक्रिया