युनिकोड
विश्वकप क्रिकेट लिग-२ अन्तर्गत नेपालले पीएनजीविरुद्ध टस हारेर फिल्डिङको निम्तो पाएको छ।
यूएईको सारजहाँमा केहीबेरमा सुरु हुने खेल जित्दै नेपाल सिरिजमा विजयी सुरुवात गर्ने लक्ष्यमा छ।
नेपालको सुरुवाती-११ मा कप्तान सन्दीप लामिछाने, दीपेन्द्रसिंह ऐरी, ज्ञानेन्द्र मल्ल, कुशल भुर्तेल, आसिफ सेख, आरिफ सेख, सागर ढकाल, करण केसी, विनोद भण्डारी, रोहित पौडेल र सोमपाल कामी रहेका छन्।
पीएनजी लिगको तालिकाको पुछारमा रहेको टोली हो। उसले लिगमा खेलेको १३ मध्ये कुनै पनि खेलमा जित हात पार्न सकेको छैन।
नेपालले भने ८ खेलबाट अहिलेसम्म ८ अंक हात पारेको छ। नेपाल लिगमा सातौं स्थानमा छ। त्यसैले पनि नेपालको यूएई भ्रमण निकै महत्वपूर्ण मानिएको छ।
यूएई भ्रमणअघि नेपालले श्रीलंकामा ४ अभ्यास खेल खेलेको थियो।
प्रतिक्रिया