एपीएफ क्लबले ललितपुर मेयर महिला च्याम्पियनसिप टि–२० क्रिकेट प्रतियोगितामा उपाधिसहित २ लाख रुपैयाँ हात पारेको छ।
किर्तिपुरस्थित त्रिवि क्रिकेट मैदानमा सोमबार भएको उपाधि भिडन्तमा सुदूरपश्चिम प्रदेशलाई ८ विकेटले हराउँदै एपीएफले लगातार दोस्रो पटक उपाधि उचालेको हो। सुदूरपश्चिमले दिएको १ सय १४ रनको लक्ष्य एपीएफले १५ दशमलव ५ ओभरमा २ विकेट विकेट गुमाएर भेट्टायो।
त्यसअघि टस जितेर पहिले ब्याटिङ गरेको सुदूरपश्चिमले निर्धारित २० ओभरमा ४ विकेट गुमाएर १ सय १३ रनको योगफल तयार पारेको थियो। दोस्रो भएको सुदूरपश्चिम प्रदेशले १ लाख रुपैयाँमा चित्त बुझाएको छ।
प्रतियोगिताको सर्वोत्कृष्ट खेलाडी एपीएफ क्लबकी ज्योती पाण्डे घोषित भइन्। उनले २५ हजार रुपैयाँ प्राप्त गरेकी छिन्।
विधागततर्फ उत्कृष्ट बलर सुदूरपश्चिम प्रदेशकी ईश्वरी विष्ट र उत्कृष्ट ब्याटर ज्योति पाण्डे बनिन्। उनीहरुले १५ हजार रुपैयाँ पाए।
Shares
प्रतिक्रिया