युनिकोड
प्रदेश १ ले काठमाडौँमा जारी ललितपुर मेयर्स महिला च्याम्पियनसिपमा पहिलो जित दर्ता गरेको छ।
बिहीबार भएको खेलमा प्रदेश १ ले लुम्बिनी प्रदेशलाई ९ विकेटको फराकिलो अन्तरले पराजित गरेको हो।
लुम्बिनी प्रदेशले दिएको ८० रनको लक्ष्य प्रदेश १ ले १५ दशमलव ४ ओभरमा १ विकेट गुमाएर भेट्टायो। कप्तान रुविना क्षत्रीले ४ रनको योगदान दिइन्।
४९ बलको सामना गरेकी कप्तान क्षत्रीले ७ चौका प्रहार गरिन्। ओपनर काजल श्रेष्ठले २० रन थपिन्। अप्सरी वेगम ९ रनमा नटआउट रहिन्।
प्रदेश १ की कृतिका मरासिनीले १ विकेट झारिन्।
त्यसअघि कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको लुम्बिनी प्रदेशले निर्धारित २० ओभरमा ६ विकेट गुमाएर ७९ रनको योगफल तयार पारेको थियो।
लुम्बिनी प्रदेशका लागि नेरी थापाले ३१ र लक्ष्मी चौधरीले २३ रन जोडे। अन्य ब्याटरले दोहोरो अंकको स्कोर छुन सकेनन्।
लुम्बिनी प्रदेशलाई कम स्कोरमा रोक्न सवनम राई एक्लैले ३ विकेट झारिन्। रुविना क्षत्री र हेरमायी रोयले समान एक विकेट लिए।
प्रदेश १ ले एक खेलमा जित र एक खेलमा हार भोग्दै तेस्रो स्थानमा छ। दुवै खेलमा हार भोगेको लुम्बीनी प्रदेश अंक तालिकाको पुछारमा छ।
प्रतिक्रिया