गण्डकी प्रदेशलाई पराजित गर्दै बागमति प्रदेश प्रधानमन्त्री कप(पीएम) टी–२० राष्ट्रिय प्रतियोगिताको अन्तिम ४ मा पुगेको छ।
शनिबार भएको खेलमा बागमतिले गण्डकी प्रदेशलाई ४० रनले पराजित गर्दै सेमिफाइनलमा स्थान पक्का गरेको हा। बागमती ४ खेलमा ३ मा जित र १ मा हार सहित ६ अंक जोड्दै अन्तिम ४ मा पुगेको हो।
बागमतिले दिएको १ सय ४४ रनको लक्ष्य पछ्याएको गण्डकीले निर्धारित २० ओभरमा ९ विकेट गुमाउँदै १ सय ३ रनमात्र बनाउन सक्यो।
कमल परियारले जोडेको ११ रन नै गण्डकीका लागि सर्वाधिक रह्यो। विधान श्रेष्ठ, दीपक डम्रे, सन्दीप क्षेत्री, गोविन्द विक र कप्तान विशाल पौडेलले समान १० रन जोडे।
बागमतीका नन्दन यादव, विपिन आचार्य र सुवास खत्रीले २–२ विकेट लिए।
त्यसअघि त्रिवि क्रिकेट मैदानमा टस जितेर ब्याटिङ रोजेको बागमतीले निर्धारित २० ओभरमा ९ विकेट गुमाउँदै १ सय ४३ रनको योगफल तयार पारेको थियो।
बागमतीका विपिन आचार्यले सर्वाधिक ३० रन बनाए। प्रतिश जि.सीले २७ रन थपे। उनले ८ बलमा ३ छक्का र २ चौका प्रहार गरे। ओपनर सुवास खकुरेल २७ रन जोडे।
गण्डकीका कृष्ण पौडेल र विशाल पौडेलले समान २ विकेट लिए।
समूह बी बाट एपिएफ ४ खेलमा अपराजित रहँदै अन्तिा ४ मा पुगिसकेको छ। समूह ए मा रहेको पुलिस ३ खेलमा अपराजित रहँदै ६ अंकमा समुह विजेता बन्दै अन्तिम ४ मा पुगिसकेको छ।
Shares
प्रतिक्रिया