आईसीसी टी-२० : विश्वकप छनोटको उपाधि नेदरल्यान्ड्सलाई

आईसीसी टी-२० विश्वकप छनोट प्रतियोगिताको उपाधि नेदरल्यान्ड्सले जितेको छ।

शनिबार राति यूएईमा सम्पन्न फाइनल खेलमा पपुवा न्युगिनीलाई ७ विकेटले पराजित गर्दै नेदरल्यान्ड्सले विश्वकप छनोटको उपाधि हात पारेको हो।

१२९ रनको सामान्य चुनौती पछ्याउँदै ब्याटिङ गरेको नेदरल्यान्ड्सले १९ ओभरको समाप्तिमा ३ विकेटको क्षतिमा लक्ष्य पूरा गरेकाे थियाे।

नेदरल्यान्ड्सको जितमा वेन कुपरले ४१, रियान टेन डोस्याटले अविजित ३४ र कोलिन एकरम्यानले नटआउट २९ रन बनाएका थिए।

यसअघि दुबई अन्तर्राष्ट्रिय क्रिकेट मैदानमा टस जितेर पहिले ब्याटिङ गरेको पपुवा न्युगिनीले निर्धारित २० ओभरमा ८ विकेटको क्षतिमा १२८ रन बनाएको थियो । उसका लागि लिगा सिकाले ३९ र सिसी बाउले २९ रन बनाएका थिए।

त्यस्तै तेस्रो स्थानका लागि भएको प्रतिस्पर्धामा आयरल्यान्डले नामिवियालाई २७ रनले हराएकाे छ।