युनिकोड
फुटबल खेलाडी मोहम्मद सलाहले लिभरपुल क्लबमा नै आफ्नो करियर अन्त्य गर्न चाहेको बताएका छन्। २९ वर्षीय इजिप्टका फरवार्ड सलाहले लिभरपुलको लागि २१४ खेलमा १३७ गोल गरिसकेका छन्।
सन् २०१७ मा सलाह रोमाबाट तीन करोड ४० लाख पाउण्डमा लिभरपुल आएका थिए। उनले यो सिजनमा मात्र १२ गोल गरिसकेका छन्।
आगामी सिजनबाट उनको लिभरपुलसँगको सम्झौता सकिनेछ।
‘यो मैले भनेर हुने कुरा होइन, तर मलाई सोध्नुहुन्छ भने म फुटबल करियरको अन्तिम दिनसम्म पनि यो क्लबमा बस्न चाहन्छु’, सलाहले भने।
उनले थपे, ‘अहिलेको अवस्थामा म लिभरपुलविरुद्ध खेल्न सक्दिनँ। यो मेरो लागि निकै कठिन हुनेछ, म यसको बारेमा कुरा गर्न चाहन्नँ यद्यपि यसले मलाई निकै दुःखी बनाउनेछ।’
प्रतिक्रिया