युनिकोड
साफ च्याम्पियनसिप अन्तर्गत बगंलादेशविरुद्धको खेलमा नेपाली टोलीमा ३ खेलाडी परिवर्तन भएको छ।
लिग चरणको अन्तिम खेलमा भारतसँग खेलेको टोलीबाट मुख्य प्रशिक्षब अब्दुल्लाह अलमुताइरीले ३ खेलाडी परिवर्तन गरेका हुन्।
आजको खेलमा अन्जन विष्ट, आयुष घलान र नवयुग श्रेष्ठले सुरुवाती ११ मा स्थान बनाउँदा मनिष डाँगी, सुमन अर्याल र सुमन लामा बेन्चमा छन्।
गोलरक्षकमा कप्तान किरण चेम्जोङ नियमीत रहँदा डिफेन्डरमा अनन्त तामाङ र दीनेश राजवंशीले सेन्टर डिफेन्स तथा विंगब्याकमा गौतम श्रेष्ठ र सुजल श्रेष्ठ, मिडफिल्डमा पुजन उपरकोटी र तेज तामाङ तथा रोहित चन्द छन्। फरवर्डमा अन्जन विष्ट, नवयुग श्रेष्ठ र आयुष घलान छन्।
नेपालले आजको खेलमा जित निकाले वा बराबरीले मात्रै पनि फाईनल पुग्नेछ। बगंलादेशसँग भने जितको विकल्प छैन।
आजै हुने दोस्रो खेलमा माल्दिभ्स र भारत खेल्नेछन्। यो खेलको विजेताले पनि फाइनलमा स्थान पक्का गर्नेछ।
प्रतिक्रिया