युनिकोड
कञ्चनपुरमा भएका छुट्टाछुट्टै मोटरसाइकल दुर्घटनामा परेर दुई जनाको मृत्यु भएको छ।
मृत्यु हुनेमा भारतको चम्पावत जिल्ला मिनाबजार बनबासा घर भएका ३० वर्षीय चाँद कुरैसी र अर्का पुरुष छन्। उनको एक नाम, थर, वतन नखुलेको प्रदेश प्रहरी कार्यालय सुदूरपश्चिमले जनाएको छ।
चाँदले चलाएको यूके ०३ ए ९०३४ नम्बरको मोटरसाइकल भीमदत्त नगरपालिका –४ सिँचाइ कार्यालय अगाडि पूर्व–पश्चिम राजमार्गमा छाडा चौपायासँग ठोक्किएर दुर्घटना हुँदा उनको मृत्यु भएको हो।
दुर्घटनामा गम्भीर चाँदलाई उपचारका लागि महाकाली अस्पताल पुर्याउँदा चिकित्सकले मृत भएको घोषणा गरेका हुन्।
त्यसैगरी दोधारा चाँदनी नगरपालिका –४ चाँदनीस्थित पक्की सडकखण्डमा यूके ०६ बीएच ४८७५ नम्बरको मेटरसाइकल अनियन्त्रित भएर दुर्घटना हुँदा त्यसमा सवार एक जनाको मृत्यु भएको प्रहरीले जनाएको छ।
मृतकको नाम, ठेगाना, वतन खुलेको छैन। सो घटना अर्का एक जना गम्भीर घाइते भएका छन्। घाइतेको महाकाली प्रादेशिक अस्पतालमा उपचार भइरहेको प्रहरीले जनाएको छ।
प्रतिक्रिया