युनिकोड
हाल देशमा पश्चिमी वायुको सामान्य प्रभाव रहेको छ।
यतिबेला (बिहीबार बिहान) तराईका धेरै स्थानमा हुस्सु र कुहिरो लागेको मौसम पूर्वानुमान महाशाखाले जनाएको छ।
‘बिहानको समयमा तराई तथा उपत्यका क्षेत्रका धेरै स्थानमा हुस्सु र कुहिरोको सम्भावना रहेकोले दैनिक जनजीवन, स्वास्थ्य, यातायात तथा हवाई उडानमा असर पर्न सक्ने हुनाले आवश्यक सतर्कता अपनाउनु हुन अनुरोध छ,’ महाशाखाले बिहीबार बिहान ६ बजे जारी गरेको बुलेटिनमा उल्लेख छ।
विगत तीन दिनदेखि तराई मधेस क्षेत्रका अधिकांश भूभागमा हुस्सु, कुहिरो र शितलहर चलिरहेको छ। जसको कारण तराई मधेस क्षेत्रको जनजीवन प्रभावित भएको छ।
महाशाखाका अनुसार देशमा अहिले पश्चिमी वायुको सामान्य प्रभाव रहे पनि पानी पर्ने सम्भावना भने कतै देखिएको छैन।
हेर्नुहोस् ३ दिनको मौसम पूर्वानुमान
प्रतिक्रिया