शौचालय जान आँगनमा निस्किएको बेला हात्तीको आक्रमण, ५९ वर्षीय पुरुषको घटनास्थलमै मृत्यु

झापामा जंगली हात्तीले आक्रमण गर्दा एक जनाको मृत्यु भएको छ। 

बिर्तामोड नगरपालिका –७ फक्तालुङमा आज बिहान जंगली हात्तीको आक्रमणबाट एकजना पुरुषको मृत्यु भएको प्रहरीले जनाएको छ।

जिल्ला प्रहरी कार्यालय झापाका प्रमुख खगेन्द्रबहादुर खड्काका अनुसार मंगलबार बिहान शौचालय जान घरको आँगनमा निस्केको बेला ५९ वर्षीय लोकप्रसाद लिम्बूलाई हात्तीले आक्रमण गरेको थियो। 

हात्तीको आक्रमणबाट उनको घटनास्थलमै मृत्यु भएको हो।