चितुवाको आक्रमणबाट १० वर्षीया बालिकाको मृत्यु

तनहुँको बन्दीपुर गाउँपालिका–२ कामीडाँडामा चितुवाको आक्रमणबाट एक बालिकाको मृत्यु भएको छ। मृत्यु हुनेमा दश वर्षीया अनुजा विक रहेकी छिन्। 

शुक्रबार फुपुको घरमा जाँदै गरेको अवस्थामा चितुवाको आक्रमणबाट उनको मृत्यु भएको जिल्ला प्रहरी कार्यालयका प्रहरी निरीक्षक राजु अधिकारीले जानकारी दिए। इलाका प्रहरी कार्यालय भानुको टोली घटनास्थलमा गएको छ। 

डिभिजन वन कार्यालयले घटनास्थल वरपर सबै सतर्क भइ सुरक्षित रहन आग्रह गरेको छ। 

कार्यालयले चितुवासँग जोगिन साँझ तथा रातिको समयमा घरगोठ उज्यालो बनाउन तथा एक्लै नहिँड्न आग्रह गरेको छ। तनहुँमा पछिल्लो केही वर्ष यता चितुवाको त्रास बढ्दो छ। रासस