युनिकोड
तनहुँको व्यास नगरपालिकाले गुरु पूर्णिमाको अवसरमा आज (आइतबार) सार्वजनिक बिदा दिएको छ।
गुरु पूर्णिमाका अवसरमा पालिकाको कार्यालय परिसरमा व्यास अवतरण दिवस मनाउने कार्यक्रम छ।
आज व्यास नगरपालिका तथा नगरपालिका अन्तर्गतका कार्यालय, सामुदायिक एवं संस्थागत शैक्षिक संस्था, स्वास्थ्य संस्था (अत्यावश्यक सेवाबाहेक) र नगरपालिका मातहतका सङ्घसंस्था बन्द रहने प्रमुख प्रशासकीय अधिकृत काशीराम गैरेद्वारा जारी विज्ञप्तिमा उल्लेख छ।
चार वेद १८ पुराणका रचयिता भगवान् व्यासको जन्म तनहुँको दमौलीमा भएको विश्वास गरिन्छ। व्यासको नामबाटै यो नगरपालिकाको नाम व्यास राखिएको हो।
प्रत्येक वर्ष नगरपालिकाले गुरु पूर्णिमामा सार्वजनिक बिदा दिँदै आएको छ। गुरु पूर्णिमाको अवसर पारेर व्यास नगरपालिकाले आइतबार बिहान सदरमुकाम दमौलीमा प्रभातफेरी कार्यक्रम गरेको थियो।
प्रतिक्रिया