आज राति सातै प्रदेशमा पानी पर्ने, तीन प्रदेशमा ठूलो वर्षाको सम्भावना

आज राति पनि देशका सातै प्रदेशमा पानी पर्ने केही स्थानमा ठूलो वर्षासमेत हुने सम्भावना रहेको मौसम पूर्वानुमान महाशाखाले जनाएको छ।

महाशाखाले अघि साँझ ६ बजे जारी गरेको मौसम पूर्वानुमान बुलेटिनअनुसार आज राति प्रदेश १, प्रदेश २, बागमती र गण्डकी प्रदेशका धेरै तथा लुम्बिनी, कर्णाली र सुदूरपश्चिम प्रदेशका थोरै स्थानमा हल्कादेखि मध्यमसम्म वर्षा हुने सम्भावना छ।

यस क्रममा प्रदेश १, बागमती र गण्डकी प्रदेशका थोरै स्थानमा भारी (ठूलो) वर्षाको समेत सम्भावना रहेको बुलेटिनमा उल्लेख छ।