गएको २४ घण्टामा काठमाडौं उपत्यकामा ५७० कोरोना भाइरसको संक्रमित थपिएका छन्।
स्वास्थ्य तथा जनसंख्या मन्त्रालयका अनुसार काठमाडौंमा ४१३, ललितपुरमा १२१ र भक्तपुरमा ३६ जनामा संक्रमण पुष्टि भएको हो।
यस्तै, हिजो देशभर २ हजार ८२८ जनामा संक्रमण पुष्टि भएको थियो भने ३ हजार ८२ निको भएका थिए। ५२ जनाको निधन भएको थियो।
मन्त्रालयका अनुसार आज नेपालमा २ हजार ६०७ जनामा संक्रमण पुष्टि भएको छ भने २ हजार १४१ जना संक्रमणमुक्त भएका छन्।
गएको २४ घण्टामा ३९ जनाको ज्यान गएको छ।
प्रतिक्रिया